SlettemarkArt

Link til Kjartans heimeside:
KjARTan

SlettemarkART er eit prosjekt med fokus på samtidskunst, nyskaping og barn og unge. Gjennom året arbeider borna i barnehagane og skulane med kunst og kunstnarar.
Naustdal kommune ønskjer å utvikle seg som kunstkommune. Naustdal ønskjer å kople samtidskunst med nyskaping og samfunnsutvikling. Kreativitet er føresetnaden både for nye kunstuttrykk og for ny næringsutvikling.Kommunen har fleire framståande kunstnarar og Vevringutstillinga som knyttar eit internasjonalt kunstnarnettverk til kommunen. Med utgangspunkt i dette, ønskjer Naustdal å utvikle seg til eit regionalt sentrum for samtidskunst, særleg retta mot barn og unge.
Kjartan Slettemark sin kunst er grensesprengjande og provoserande annleis. “Budeie med kjARTanroser” bryt med all vanetenkjing om kva som er kunst eller ikkje, kva som er stygt og pent, og stiller store krav til publikum sine evner til å bryte med fordommar. Dette er også tanken med SlettemarkART. Arbeidet med samtidskunst skal inspirere til nyskaping på alle samfunnsfelt, gje tru på eigne idear og syne at det er lov å tenkje annleis. Slik sett er Budeia tenkt som eit symbol for nyskaping i regionen, som eit fyrtårn for kreativitet som vektsfaktor.
Samtidskunstsatsinga skal koplast mot entrepenørskapssatsinga i skulane. Tanken er at dette på sikt vil vere med å utvikle ein kultur for nyskaping, ein gründarkultur. Annan kvart år vert det arrangert festival, første gong i 2007. Konseptet vart utvikla saman med Kjartan Slettemark. Under festivalen i 2007, der kommunen feira Slettemark sin 75-årsdag, vart kunstnaren heidra ved reisinga av 1. byggjetrinn av “Budeie med kjARTanroser”, den fem meter høge budeia.

7822 kommentarar

Aktivitetar Meny

SlettemarkArt